शव जलाउने विषयमा रौतहटमा दुई समूहबीच झडप, २३ राउण्ड हवाई फायर

१० असोज, रौतहट ।

रौतहटको गरुडा नगरपालिकामा शव जलाउने विषयमा दुई समूहबीच झडप हुँदा ५ प्रहरीसहित १७ जना भन्दा बढी घाइते भएका छन् ।गरुडा नगरपालिका ९ रघुनाथपुरको श्रीपुरमा शव जलाउने विषयलाई लिएर दुई समूहबीच झडप भएपछि प्रहरीले २३ राउण्ड हवाई फायर र ३२ सेल अश्रुग्यास हानेको थियो । झण्डै दुई घण्टासम्म भएको झडपमा दुवैतर्फका गरी १२ जना भन्दा बढी घाइते भएका छन् । प्रहरीतर्फ पाँच जना भन्दा बढी व्यक्ति घाइते भएका छन ।झडपमा घाइते भएका छविलाल सहनी, रमेश सहनी, सुरेन्द सहनी, सुनिल सहनी, शम्भु सहनीलगायतको गरुडाको विभिन्न अस्पतालमा उपचार भइरहेको छ ।यसैगरी प्रहरीतर्फ हवलदार सञ्जयकुमार कुर्मी, प्रहरी जवान विजय रौनियार र परशुराम साहसहित पाँच जना घाइते भएका छन् । उनीहरुको टाउको र जिउमा चोट लागेको तथा उपचार गरुडामा भइरहेको प्रहरीले जनाएको छ ।

गाउँछेउमा रहेको चाँदी खोलामा पहिला देखि नै शव जलाउने गरेका स्थानीयलाई अर्को समूहले सो स्थानमा शव नजलाउन भने पछि झडप भएको थियो ।

प्रहरी हस्तक्षेप पछि अहिले अवस्था सामान्य भएको तथा सो क्षेत्रमा व्यापक प्रहरी परिचालन गरिएको प्रहरी उपरीक्षक केदार ढकालले बताए । घटना गराउनमा संलग्न रहेको आशंकामा दुई जनालाई प्रहरीले नियन्त्रणमा लिएको समेत उनले जानकारी दिए ।परम्परागत रुपमा एक पक्षले शव जलाउँदै आएको स्थलमा शव जलाउन खोज्दा अर्काे पक्षले रोकेपछि झडप सुरु भएको थियो। जबरजस्ती जलाउन खोजेपछि झडप भएको र स्थिती नियन्त्रणमा लिन प्रहरीले हस्तक्षेप गरेको रौतहट प्रहरी प्रमुख एसपी केदार ढकालले जानकारी दिए।

Recommended For You

Leave a Reply