झुक्क्याउँदै-छक्याउँदै समायोजन सूची सार्वजनिक, ह्याङ भएर हेर्नै समस्या

काठमाडौँ । सरकारको काम सरल र सहजरुपमा सेवा प्रवाह गर्ने हो तर संघीय मामिला तथा सामान्य प्रशासन मन्त्रालय अन्तर्गत कर्मचारी समायोजन तथा सङ्गठन विकास महाशाखाको काम भने अझ बढी कठिन बनाउनु रहेको छ, त्यो पनि आफ्नै कर्मचारीलाई ।

आज सार्वजनिक गरिएको विभिन्न सेवा/समूहका उपसचिवदेखि नायव सुब्बासम्मका कर्मचारीको समायोजन सूची यसअघि झैँ मन्त्रालयको वेवसाईडमा पिडीएफमा नराखी समायोजन डट जीओभी डट एनपीमा सिम्बोल नम्बरबाट हेर्न मिल्ने गरी अपलोड गरेपछि कठिनाइ भएको छ ।

आइतबार नै सबै तयारी पुरा भई सकेको र राति नै सार्वजनिक गर्ने बताइएपनि बिहानसम्म सूची सार्वजनिक गरिएन ।
समायोजनको पखाईमा रहेका कर्मचारीले रात भरी हेर्दा पनि नभेटाएपछि प्रशासन डटकमले सोमबार बिहान पुनः समायोजनको सूची कहाँ भन्ने शीर्षकमा समाचार प्रकाशन गरेको थियो ।

मन्त्री–सचिवले राति नै सार्वजनिक हुनुपर्ने बताई रहँदा बिहानसम्म पनि सूची नभेटिएपछि दबाबमा परेको महाशाखाले झुक्क्याउने–छक्याउने तरिकाले समायोजन डट जीओभी डट एनपीमा सिम्बोल नम्बरबाट हेर्न मिल्ने गरी राखेको छ । जबकि यसअघि सचिव, सहसचिवदेखि उपसचिवसम्मको सूची मन्त्रालयकै वेबसाइटमा पीडिएफ बनाएर राखेको थियो । जसले कर्मचारीले सजिलै डाउनलोड गरी आफ्नो सुविधाअनुसार हेर्न सक्थे ।

यसले कुन सेवा समूहका कति कर्मचारी समायोजन भए भन्नेबारे समग्रमा जानकारी लिनसमेत कठिनाई अर्का एक कर्मचारीको भनाई छ । उनका अनुशार यदी कर्मचारीकै सजिलोका लागि हो भने पनि दुबै भर्सनमा राख्न सकिन्थ्यो ।

Recommended For You

Leave a Reply